Монголчууд хэтэрхий гэнэн, итгэмтгий, бас “тэнэгдүү” улс юм. Сүүлийн 20 гаруй жилийн турш сүлжээний луйврын пирамид үүсгэн бусдыг залилан мэхэлсэн хэргийн золиос болцгоолоо. Цахим сүлжээгээр дамжуулан хийдэг тэрхүү луйврын пирамид бас гараад иржээ. Саяхан нийслэлийн Баянзүрх дүүргийн хэсэг залуус ийм хэрэгт өртжээ. Тус дүүргийн 12 дугаар хороонд оршин суудаг “Д” гэгчийн байгуулсан ийм сүлжээнд нэгдэж, зааврынх нь дагуу өөрийн доод эгнээнд хүн элсүүлэхээр 120 мянган төгрөгөө тушаасан нэлээд олон хүн мөнгөө алдсан тухай цагдаад мэдэгдсэн байна. Мөн “Э” гэдэг эмэгтэй бас түүнтэй адилхан сүлжээний пирамидаар мөнгө завшдаг байсан нь илэрчээ. Одоогоор яг хэдэн хүн цахим сүлжээгээр мөнгөө алдсан нь тодорхой бус ажээ.
Б.Баяр
Эх сурвалж: Tumen.mn
