Дарга нар хийх гэж байгаа, бүтээх гэж байгаа, мөн хийсэн бүтээснээ хэвлэл мэдээллээр сурталчилахад төсвийн хөрөнгийг үрсээр ирсэн. Тэгвэл энэ удаад дэндсэн гэмээр их хөрөнгийг Төв аймгийн Засаг дарга Д.Мөнхбаатар зарцуулжээ. Тэрээр өөрийн үйл ажиллагааны хөтөлбөр, үндсэн чиглэл, бүтээн байгуулалтын үйл ажиллагааг иргэд, олон нийтэд мэдээлэх зорилгоор дөрвөн ТВ-тэй гэрээ байгуулж 20 сая төгрөгийг аймгийн төсвөөс гаргажээ. Ийм их мөнгөөр мэдээлэгдсэн гэхээр хийсэн, бүтээсэн зүйлийн уртаас урт жагсаалт гарсан биз. Ялангуяа захирамжинд дурдсан “бүтээн байгуулалтын үйл ажиллагаа” гэдэг нь сонирхол татаж байна. Томилогдоод нэгхэн жил болж байгаа Засаг дарга олон сая төгрөгөөр сурталчилах хэмжээний “бүтээн байгуулалт” хийсэн гэхэд итгэхэд бэрх. Тэгээд ч цар тахлын эдийн засгийн хямрал хүндрэлийн үед шүү ..
