Энэ оны наймдугаар сарын 05-наас 21-ний өдөр үргэлжлэх Зуны Олимпийн наадам Бразилийн хамгийн том хотын нэг Рио Де Жаньейрод болно. Уг наадамд дэлхийн олон орны мянга мянган тамирчин өрсөлдөх бөгөөд манай улсын тамирчид ч Олимпийн наадмын эрхээ авсаар байгаа. Монгол Улсыг төлөөлөн боксийн төрөлд өрсөлдөх эрэгтэй тамирчдын нэр хэдийнэ тодорхой болжээ. Хүн төрөлхтөний эв нэгдлийн бэлгэ тэмдэг болсон Олимпийн наадмаас медаль хүртэж эх орныхоо далбааг харийн тэнгэрт мандуулах боксийн тамирчдыг нэр дурдвал 69 кг-ийн жинд ОУХМ Б.Түвшинбат, 49 кг-ийн жинд ОУХМ Г.Ган-Эрдэнэ, 56 кг-ийн жинд ОУХМ Э.Цэндбаатар нар өрсөлдөнө. Мөн ОУХМ Б.Чинзориг 64 кг-ийн жинд, ОУХМ Д.Отгондалай 60 кг-ийн жинд, ОУХМ Х.Энх-Амар 52 кг-ийн жинд тус тус өрсөлдөхөөр болжээ. Ингээд Риогийн хөрсөн дээр болох 31 дэх Зуны Олимпийн наадмын тэнгэрт эх орныхоо алтан соёмбот далбааг намируулах их амжилтыг хүсэн ерөөе!
С.Дамдин
