Хотын дарга Д.Сумъяабазар зангаргаа харууллаа

Нийслэлийн Засаг дарга бөгөөд хотын дарга Д.Сумъяабазар УИХ-ын гишүүн, салбарын сайдаар ажиллаж, парламент, Гүйцэтгэх засаглалын хэмжээнд шийдвэр гаргаж байсан хүний хувиар аргагүй зангараг гаргалаа. Тэр өөрийн хүсэлтээр УИХ-ын гишүүний бүрэн эрхээс татгалзаж, хамгийн ачаалал, хэрүүл тэмцэлтэй Хотьн даргын ажлыг сонгож байсан нь алдаа болсонгүй.

Хамгийн сүүлчийн жишээ гэхэд өчигдөр Засгийн газрын гишүүд нийслэлийн удирдлагуудтай хамтран өргөтгөсөн байдлаар хуралдаж, хэд хэдэн чухал шийдвэр гаргалаа. Нэн тэргүүнд бидний “шүдний өвчин” болж буй түгжрэл бууруулах санхүүгийн асуудлыг шийдэх түүхэн шийдвэрийг танилцуулав. Нийслэлийн иргэдийн дунд явуулсан судалгаагаар 85 хувь нь түгжрэлийг яаралтай бууруулах ёстой гэсэн санал илэрхийлсэн. Тиймээс Улаанбаатар тэг зогсолтод ороход ойрхон болсон, нийслэлчүүд жилдээ 35 өдөртэй тэнцэх хугацааг зам дээр өнгөрүүлж байгаа тухай Хотын дарга танилцуулсан юм. Түгжрэлээс болж алдсан боломжийн нийт өртөг 2.7 их наяд төгрөг, байдал энэ хэвээр байвал 2025 он гэхэд энэ тоо 24 их наяд болох тооцоо гарсан байна.

Тэгвэл нийслэлийн өмнө тулгамдаад байсан санхүүгийн асуудлыг өнөөдрийн Засгийн газрын хуралдаанаас дэмжсэн. Тодотговол жил бүр 420 тэрбум төгрөгийг улсын төсвөөс түгжрэлийг бууруулахад зарцуулахаар боллоо.

Энэ түүхэн шийдвэр бол яах аргагүй Хотын дарга Д.Сумъяабазарын парламент, Засгийн газрын түвшинд ажиллаж байсны зангараг юм. Түүнээс бус хотын утаа, түгжрэлийн асуудал бол сүүлийн 20 жил ярьж байгаа ч бодитоор буурсан нь үгүй. Хэдийгээр автомашины тоо, нийслэлд шилжин ирэгсэдийн тоо нэмэгдэж байгаа ч дорвитой арга хэмжээ аваагүй өнөөдөрт ирсэн. Дугаарын хязгаарлалт, торгууль шийтгэлийн хүрээнд л дүлий явж ирсэн асуудал. Ийм тулгамдсан, бүр гамшгийн хэмжээнд очсон асуудлыг шийдвэрлэж байгаад хаа хаанаа талархалтай байна. Энэ бол яах аргагүй түүхэн шийдвэр.

Үе үеийн Хотын дарга нарт санаа байсан ч биеллээ олж байгаагүй том төлөвлөгөө гаргаж байна гэдэг улаанбаатарчуудын ирээдүйд гэрэл гэгээ байгааг харууллаа. Тэр тусмаа Засгийн газарт санал оруулаад шийдвэр гаргуулж чадаж байна гэдэг гэрэл гэгээ томорно гэсэн үг. Одоо нэгэнт албажсан энэ асуудал гараанаас гарчээ. “Гараа сайн бол бариа сайн” гэсэн үг ч бий. Бид гагцхүү засаг төрөө, Улаанбаатар хотынхоо удирдлагын багийг уялдаа холбоотой нь хамт тогтвортой авч явах, тэднийг дэмжих л үлдэж байна.

Энэ үеэр Хотын дарга Д.Сумъяабазар "Нийт тээврийн хэрэгслийн 54,1 хувь нь Улаанбаатар хотын авто замын хөдөлгөөнд оролцож байна. Нэгдүгээрт, автозамын хөдөлгөөнд оролцож байгаа тээврийн хэрэгслүүд дунджаар 13 км цаг хурдтай хөдөлгөөнд оролцож байна. Оргил ачааллын үед 8,9 км цагийн хурдтай оролцдог. Дэлхийн стандартаар 13 км цаг гэдэг бол тэг зогсолт гэж нэрлэгддэг учир Улаанбаатар тэг зогсолт хийгээд байна. Иймээс гол автозамуудын хажуугаар туслах зам нэмэх, метро, транзит тээвэр ашиглалтад оруулах

Эх сурвалж: Түмэн.мн