Гэртээ цоочлогдож үлдсэн хүүхдүүд галд шатаж, угаартаж нас барсан харамсалтай хэрэг Хөвсгөл аймгийн Мөрөн суманд гарчээ. Гэрийн эзэн “А” нь Өмнөговьд ажиллаж байгаад саяхан гэртээ ирсэн байв. Эхнэр нь сумандаа хөрөө рам ажиллуулдаг. Тэднийх хоёр хүүхэдтэй. Гал гардаг өдөр Түнэл сумаас хамаатных нь арван настай хүү тэднийд ирсэн байв. Нөхөр, эхнэр хоёр гадагш түр гарахдаа хүүхдүүдийг гаднаас нь цоожлоод явжээ. Палкаар барьсан, 14 метр урт байшингийнх нь бүх цонх гаднаа төмөр тороор бэхлэгдсэн тул гал гэнэт дүрэлцэн асахад утаа, галын дөлд өртсөн хүүхдүүд цонхоор гарч чадаагүй байна. Онцгой байдлын аврагчид ирж бүтэн хоёр цаг гал унтраахдаа хүүхдүүдийг олсонгүй. Тэдний бага нь хоёр настай, том нь зургаан настай бөгөөдхамаатных нь арван настай хүү цонхоо хагалж гарахыг оролдоод бие, хүзүүгээ шилэнд зүссэнбайжээ. Зургаан настай хүү нь дүүгээ хөнжлөөр хучин мухрын өрөөндөө утаанд хахаж цацан хашгирсаар сүүлдээ угаартан чимээ тасарчээ. Гал сөнөөгчид хүүхдийн аавыг дагуулан дотогш ороод хоёрхон алхамын цаана хөнжилд хучаастай хэвтсэн тэднийг харалгүй буцаж байшингаасгарсан гэхэд дэндүү харамсалтай. Нутгийн иргэдийн мэдээлснээс үзвэл аймгийн Онцгой байдлын хэлтсийнхэн техник хэрэгсэл муутайгаас гадна галыг унтраахад нэлээд удаан ажилласан бололтой.Талийгаач гурван хүүхдийг өчигдөр нутаглуулсан байна
Б.Баяр
Эх сурвалж: Tumen.mn
