Өнгөрөгч амралтын өдрүүдэд Хууль зүй, дотоод хэргийн сайд Х.Нямбаатар Хөвсгөл аймгийн Цагаан-Уул сумын нутаг дахь Хилийн цэргийн ангийн шавь тавих ёслолд оролцож, салбарын сайдын хувьд хэд хэдэн асуудал шийдээд иржээ.

Тус хилийн цэргийн анги нь нийтдээ Монгол Улсын хилийн 1000 гаруй километр зурвасыг дангаар хариуцдаг олон застав бүхий анги юм. Хилийн цэргийн дугаар ангийг Сулинхээрийн отрядын жишиг зургаар байгуулахаас гадна Соёлын төв, Спортын төв, цэцэрлэг, 60 айлын ажилчдын орон сууц, гэрээт цэргийн байр зэрэг иж бүрэн барилга байгууламжтай байхаар төлөвлөжээ. Хилчид маань ая тухтай байж Монгол Улсын хил тайван амгалан байх учраас зөвхөн салбарын сайд төдийгүй Ерөнхийлөгч, Ерөнхий сайд гээд Үндсэний аюулгүй байдлын зөвлөл очиж, хүндэтгэл үзүүлэхийн зэрэгцээ урам дэм өгсөн ч болох асуудал.

Гэтэл Х.Нямбаатар сайдыг шав тавихын төлөө онгоц хөлөглөсөн мэтээр улстөржүүлж байгаа нь хачирхалтай. Ингэхдээ Хэмнэлтийн хууль гаргаад байхад зардал чирэгдэл боллоо гэх мэтээр шүүмжилж байгаа нь цэвэр улс төрийн зорилготой бололтой. Хил хязгаараа тайван байлгахын төлөө юун төсөв хөрөнгө, хэмнэлт вэ. Монгол Улсын хил амгалан байх нь нэн тэргүүний асуудал биз дээ.

Тиймээс Х.Нямбаатар сайд үүний хариуд “Чиний эзэн шиг Азаргын голд шалдан хүүхнүүдтэй зугаалж, Нөмрөг, Минжийн хангайд онгоцоор нисэхдээ пулемёнтоор амьтан хядаагүй, ажлаа хийгээд яваад ирсэн” хэмээн өөрийн цахим хуудаснаа ууртайхан жиргэжээ. Сайдын жиргээ болон бусад эх сурвалжаас үзэхэд Азаргын голд шалдан хүүхэнтэй зугаалж, Минжийн хангайд пулемёнтоор амьтан хядсан “эзэн” нь Ерөнхийлөгч асан Ц.Элбэгдорж бололтой.