Өчигдөр Буян Жагаа гуай тв 5-аар өгсөн ярилцлагадаа газрын хэвлийн баялаг бол монголчууд бидний юм биш,энэ дэлхийн юм гэж хэлж байна лээ. Яг энэ үг бол үндсэн хуультай шууд зөрчилдсөн ч үг мөн. Бас бус логик ухаанаар ч бас батлагдахад хэцүү үг юм аа.
Тэгвэл зарчимын хувьд бидний монголчууд ч дэлхийн нэг хэсэг учраас америкийн газрын тосыг ухъя л даа, мөн үү? Мөн ядуу африкчууд автралийн баялагийг ухъя. Тэд зөвшөөрөх үү? Мэдээж зөвшөөрөхгүй. Тэд яагаад зөвшөөрөхгүй гэж асуувал энэ манай баялаг манай хуулиар явна аа ч гэдэг юм уу, ямар нэг улс орны хууль,газар нутаг заавал яригдана. Монгол болоод африкийн улсууд болохоор тэгж болдоггүй. Яагаад уу, яагаад гэвэл жижиг, буурай улс. Арабын нефтийг жишээ авч байна лээ. Арабын нефт чинь арабдаа асар их ашиг хэргээ өгч байгаа шүү дээ. Монголынх болохоор наадах чинь дэлхийн юм байгаа юм гээд л зөөгөөд байдаг. Оросууд баялагаа мөн л сайн наймаалцаж өгч байгаа болохоос иргэддээ ная ерэн мянгаар тонныг нь өгөөд хятадад болхоор хорин хэдэн доллараар өгөх хиртэй байдаггүй л байхгүй юу. Ингэж ярихгүй ээ, Жаргалсайхан гуай. Олон зөв сайхан ярьсан, зөв гаргалгаа хийсэн, бас улс орныхоо төлөө дуугарсан, үйлдвэржилт, хөдөлмөр гэдэг зүйлсийг чинь монголчууд хэрэгжүүлжболох байх. Харин манай баялаг дэлхийн юм аа гээд л энэ улсад сайтар нялзахгүй дээрэм луйврыг дэмжээд байж таарахгүй. Энэ дээр үндсэн хуулиа барих нь зөв. Бүх оронд тийм байгаа гэдэгт итгэлтэй байна. Ялангуяа том гүрнүүд бол өөрсдийнхөө баялагийг бүүр нөөцлөөд бусдын юмыг ухаж хулгайлах гээд явж байгаа.
Баялагтай орон чинь өөрөө бас л дэлхийн нэг хэсэг болхоос дэлхий гэж өөр газрыг газрын баялагаараа хангана гэсэн утга хаана ч байхгүй юм аа. Африкийн улсууд ч тэр баялагаа өөрсөндөө ашиглах бүрэн эрхтэй. Бүр дэлхийн гэдэг зарчим ярьчихаад яагаад зөвхөн хэдхэн том оронлуу хувиарлаад байгаа юм. Яагаад бүгд хятадыг түүхий эдээр хангаад байгаа юм. Хятадад хямд ажиллах хүчин байгаа гэж дэлхийн том гүрнүүд шийдээд байгаа нь нөгөө боолчилох сэтгэхүй, хялбарчилах сэтгэхүй юм уу? Хэзээ нэгтээ бусдыг боолчилох, хямд хөдөлмөр хүчийг мөлжсөнийхөө хариу цохилтыг хятад ч авна, бусад олон хэлбэрээр боолчилдог европын холбоо, тэр дундаа Британийн салаа мөчир гүрнүүд эдлэх л болно.
Өнөөдрийн төлөө бусдыг золиосолж бага буурайгаа дээрэлхэвч нэгэнт тэнцвэр алдагдсан хорвоогийн хууль эргээд та бүгдийг отох болно, том гүрнүүд ээ. Зүгээр байхад зүгээр байгаарай гэж байгаль ертөнцийн төрдөг өтөлдөг эвдэрдэг, том нь жижгэрдэг, жижиг нь томордог, юм бүгд ээлжтэй байдаг хуулийн өмнөөс сануулаад хэлчихъе. Монголын үндсэн хуулийн зөв юм аа. Газрын доорхи баялагаа тухайн ард түмэн шийдэх ёстой. Абригээнүүд аютралийн баялагийг шийдэх ёстой ч англи саксоны дээрэмчид шийдсэн ,тийм биз?
Иргэн Балдан Төгсбуянт
