Сүхбаатарын хөшөөг буулгаад, нүүрсний уурхай байгуулчих уу?
Ашигт малтмалын хэрэг эрхлэх газар гэж хийх юмаа олж ядсан газар нэг байна. Монголын хамаг л газрыг тарааж, хувааж өгч дууссан энэ байгууллага одоо Монгол улсын нийслэл, Улаанбаатар хотын газраас хумслан хайгуулийн лиценз олгож эхэлдэг болов. Өнөөдрийн байдлаар нийслэлийн нутаг дэвсгэрт ашигт малтмалын хайгуул хийх эрх бүхий 110 аж ахуйн нэгж байна. Түүнээс гадна байгаа бол ашиглалтын лиценз эзэмшигчдийн тоо 143-т хүрчээ. Хан-Уул дүүрэгт 56, Налайх дүүрэгт 38, Сонгинохайрханд 14, Багануурт 13, Баянзүрхэд хоёр, Сүхбаатар дүүрэгт хүртэл хайгуул хийх, ашиглалт явуулах эрх авцгаачихсан байна. Нэг өглөө сэрэхэд Сүхбаатарын талбайгаас олборлолт хийгээд эхэлбэл гайхах зүйлгүй бөгөөд хайх эрхийнхээ дагуу ашигт малтмал олсон гэдэг үгээр ам таглахыг ч үгүйсгэхгүй нь бололтой.
Эх сурвалж: Shudarga.mn
