Лав л эхнэрийн тоо хэлэлцбэл нэгэн цаг үеийн бужигнуулж асан бөх байсан энэ эр гурвын тооноос давсан гэргийтэй. Нөгөөдүүл нь хоорондоо хачин эв найртай нь олны өхөөрдлийг барж байх вэ дээ. Яамай яамай. Төрөлх Төв аймагтаа улс төрийн илгээлтийн эзэн болж очиж буй тэрбээр ханийн тэнгэрээс гадна улс төрийн тэнгэр нь үргэлж савладаг нэгэн. Анхандаа Ардчилсан нам гэж гүйж явснаа адаг сүүлдээ МАН-аас нэр дэвшиж хуял хүслээ хангалаа. Эвгүйдвэл өрсөлдөгч бөхөө "бөлдөгдөх" бэх сурмаг хийдэг түүнийг улс төрд арай ингэхгүй байгаа гэж өрсөлдөгчид нь эмзэг цэг дээрээ дарж зогсоо сурагтай. Тэгтлээ айхаас ч яах вэ дээ. Түмний нүдэн дээр өшиглөсөн хүн юм чинь. Авир аашны хувьд бүдүүн тойм хээгүй гүндүүгүй гэгддэг бөхчүүдээс тэр тэс өөр. Ядаж л барилдахдаа зогсох магнайгаа хүртэл булаалдаж нус нулимс, аргадаж уяраах алчуур сэлтдээ тулдаг болохоор яалтай ч билээ. Түүний авирыг бөх малгай дор нэгдсэн нөхөд нь барж аашийг нь олоогүй. Харин улс төр тэр чигээрээ хувь характер тод, өө сэв ихтэй байх тусам манлайлдаг шахуу ертөнц болчихоод байна. Хорхой нь хүрээд байж ядаад байгаа тул ядаж дэвшээд ч болсон түүнийгээ дараг гэж зарим хүмүүс үзэж буй гэнэ. Тэгтлээ татагдаад байвал одоо ороод л үзэхээс биш.

Э.Эгдэрмаа