УИХ-ын гишүүн асан Л.Гүндалай шинээр нам байгуулж буйгаа зарлаж, 2016 оны УИХ-ын сонгуульд Эрдэнэт хотоос нэр дэвшихээ ч мэдэгдсэн билээ. Тэрбээр Их өөрчлөлт, Их үйлсийг хамтдаа бүтээе уриатай “Ард түмнээ хайрлая” нэртэй нам байгуулж, гишүүн элсүүлж байгаа аж. Энэхүү намынхаа анхны гишүүдийг Эрдэнэт хотоос элсүүлсэн бөгөөд шинэ намдаа нийт 400 гишүүн элсүүлж үнэмлэхийг нь гардуулжээ.
Шинээр байгуулагдаж буй улс төрийн нам 801 гишүүнтэй байх ёстой байдаг. Тэгвэл Л.Гүндалай намдаа 3000 хүнийг элсүүлнэ гэдэгтээ итгэлтэй байгаа бөгөөд маргааш Дархан хотод ажиллах үеэрээ намдаа багадаа 800 хүнийг гишүүнээр элсүүлнэ гэж мэдээлэв.
Эх сурвалж: Шуурхай.мн
