Гишүүд чуулганы хуралдаанаа их тасладаг болоод л УИХ-д “төгөлдөр хуур” дарах гэдэг нэршил гарч ирсэн нь дамжиггүй. Ирц бүрдэхгүй болохоор хурал нь эхлэхгүй, санал хураах болохоор ирсэн нэртэй хүмүүс нь гараад аль хэдийнэ явчихсан байдаг нь бараг уламжлал болсон мэт зүйл. Гэтэл хурал тасладаг нөхдүүд хуралдаа суухгүй юм бол ард түмний дэмжлэгээр УИХ-д суух хэрэг ер нь байдаг юм уу. Нэгэнтээ ажлаа хийдэггүй хүмүүсийг сонгохгүй байх эрх иргэдэд бий. Түүнчлэн хурал хамгийн их хугацаагаар тасалдаг хүмүүсийн нэрсийг одоо хүргэе. УИХ-ын 2014 оны хаврын ээлжит чуулганы тухайд гээд аваад үзэхэд хурал хамгийн олон цаг тасалсан хүмүүс нь Х.Баттулга, Б.Наранхүү, Ц.Дашдорж, Х.Болорчулуун, Ж.Энхбаяр, С.Ганбаатар, Д.Ганбат нарын нэрс байгаа юм.
Эх сурвалж: Б.Тамир, Шуурхай.мн
