Хүүхдийн төлөө сангийн мөнгөнөөс өвчтэй хүүхдийн эмчилгээний төлбөр хийх, зарим төрлийн үйл ажиллагааг ивээн тэтгэж болох уу гэсэн асуулт олон нийтийн сүлжээнд гараад буй. Гэр бүл, хүүхэд, залуучуудын хөгжлийн газрын Хүүхдийн эрхийн хэрэгжилтийн газрын Хүүхдийн хөгжил, оролцооны бодлогын хэрэгжилт хариуцсан ахлах мэргэжилтэн У.Долгормаа дээрх асуултад хариуллаа.

Тэрбээр "Тусгай сангийн тухай хуульд зааснаар Хүүхдийн төлөө сангийн хөрөнгийг зарцуулна. Нэгдүгээрт хүүхдэд зориулсан бүтээн байгуулалт шинээр эхлүүлэхэд төслийг санхүүжүүлдэг. Хөгжлийн бэрхшээлтэй хүүүхэд олон улсын тэмцээнд оролцоход дэмжлэг үзүүлнэ. Олон улсын тэмцээнээс шагнал авсан хүүхдийг урамшуулна. Өнөөдрийн байдлаар 10.9 тэрбум төгрөг төвлөрүүлсэн. 2021 онд 5.4 тэрбум төгрөг төвлөрсөн.

АТҮТ-өөс тусгай дугаар борлуулж, орлогыг нь Хүүхдийн төлөө санд 100 хувь өгдөг. Гэр бүл, хүүхэд, залуучуудын хөгжлийн газраас өнгөрсөн онд 121 хүүхдэд 272 сая төгрөгийн дэмжлэг өгч шагнасан. Тусгай сангийн тухай хуульд зааснаар дээрх гурван зүйлд л Хүүхдийн төлөө сангийн мөнгийг зарцуулна. Өөр зүйлд зарцуулдаггүй" гэлээ.

Tumen.mn