Нийслэлийн Засаг даргын Тамгын газар, Шинжлэх ухаан үйлдвэрлэл инновацын газраас мэдээлэл, технологийн салбарын ажлын байрыг нэмэгдүүлэх, өндөр ур чадвар бүхий хүний нөөцийг бэлтгэх зорилго бүхий “10 000 программист бэлтгэх” төслийн хүрээнд анхан болон ахисан шатны жава программчлалын хэлний болон веб хөгжүүлэгчийн сургалтыг “Эмпасофт” ХХК-тай хамтран, амжилттай хэрэгжүүлж дууслаа.
Энэхүү сургалтад веб хөгжүүлэлт болон жава хэл суралцах сонирхолтой 4000 гаруй оюутан, залуус бүртгүүлснээс, сонгон шалгаруулалт явуулж, анхан шатанд 400, ахисан шатанд 100 оюутан, залуус амжилттай суралцан төгслөө.
Сургалтад хамрагдаж мэдлэг, чадвараа дээшлүүлсэн оюутан залуустаа дэлхийд үнэлэгдсэн мэдээлэл, технологийн инженер, мэргэжилтэн болохыг хүсэн ерөөе.
