Японы  автомашин үйлдвэрлэгч Honda, Daihatsu компаниуд таван сая автомашинаа дэлхийн зах зээлээс эргүүлэн татахаар болов. Учир нь Такатад үйлдвэрлэсэн эдгээр автомашинууд ослын дэрний буруу ажиллагааны улмаас үйлдвэртээ эргэн ирэхээр болжээ. Honda, Daihatsu компаниуд үйлдвэрлэлийн явцад ослын дэрийг буруу суурилуулж, болзошгүй осол аваарын үед задрахгүй байгааг хэрэглэгчдийн гомдол дээр үндэслэн нотолсон юм. Энэ явдлаас хэдхэн сарын өмнө Toyota, Nissan компаниуд 6.5 сая автомашинаа зах зээлээс буцаан татсан билээ.  Honda-ийн шинээр үйлдвэрлэсэн автомашины ослын дэр задраагүйн улмаас Такатагийн үйлдвэрт угсарсан машины ослоор зургаан хүн өөд болсон байна. Honda өнгөрсөн дөрөвдүгээр сард ч ийм асуудалтай нүүр тулсан бөгөөд өнгөрсөн онд мөн тодорхой тооны автомашинаа буцаан татсан билээ. Honda компанийн мэдэгдсэнээр тэдний үйлдвэрлэдэг брэнд болсон Fit загварын автомашинууд ийм асуудлаас үүдээж зах зээлээс буцаагдахаар болсон гэнэ. Эдгээр Fit загварын машинууд АНУ-ын зах зээлд илүүтэй борлогдсоноос гадна хэд хэдэн осолд ороод амжсан байна. Түүнчлэн Швед, Унгар улсуудад гаргасан Fit загварын машинууд үйлдвэрийн анхны дамжлага руу буцаан ачигджээ. Т.Бат Мэдээний эх сурвалж: http://time.mn/63236

Мэдээний эх сурвалж: http://time.mn/63236