Японы “Фукушима-1” цөмийн цахилгаан станцаас саяхан цацраг идэвхтэй 750 тонн ус алдагдсаныг тус станцыг ажиллуулдаг  “Tokyo Electric Power” компаниас мэдээлжээ. Станцын баруун хэсэгт цацраг идэвхтэй ус хадгалдаг савыг энэ сарын 10-ны өдөр шалгах үед уг ослыг илрүүлсэн байна. Мэргэжилтнүүд ус шүүрч байсан эвдрэлийг засч, ус зайлуулах шугам газрын гүнд байгаа тул далайд алдагдах магадлал бага гэдгийг өгүүлсэн аж. Японы Фукушима мужийн эрх баригчид болон цөмийн эрчим хүчний мэргэжилтнүүд цацраг идэвхт бодис тогтмол алдагдах болсонтой холбоотойгоор өнгөрсөн шалгалт хийжээ. Шалгалтын явцад оператор компанийнхан бороо орох тоолонд ус зайлуулах систем дэх усны хэмжээ нэмэгддэгийг өнгөрсөн оны дөрөвдүгээр сараас хойш мэдэж байсан нь илэрсэн байна. “Фукушима-1” станцад тэсрэлт болсон реакторуудыг хөргөх явцад цацраг идэвхт бодис агуулсан усны хэмжээ өдөр бүр 350 тонноор нэмэгддэг. Одоо цаашид цэвэрлэх зорилгоор газар доорх тусгай агуулахад хадгалж буй усны хэмжээ нийт 240 мянган тонн болжээ. - See more at: http://www.unen.mn/content/47578.shtml?alias=world#sthash.eRPWmCkG.dpuf