Монголд цаг нартай зүйл гэж байа уу. Ингэж асуумаар. Үргэлж л хойшлууллаа, дараа болно гэсээр байгаад нэгэнт дасал болчихож. Нийгмээ дагаад ч тэр юм уу шүүх хурал гэж ёстой дуншиж байна.

Ерөнхий сайд асан Н.Алтанхуягийн ахлах зөвлөх Л.Гансүх нарын "Нүүрс" хөтөлбөрийн хүрээнд хувьдаа мөнгө завшсан хэргээр баригдаад бараг л жилийг тойрох гэж байна гэхэд хилсдэхгүй. Гэтэл үнэндээ энд авч идсэн гэх баримт нь ч тодорхой бус,

идээгүй гэдэг нь тодорхой бус. Ацан шалаанд орсон шүүхийнхэн цагаа баримтлахаа болиод ч удлаа.Уг нь шүүхийнхэн цагаа баримтлаа нэг тийш нь болгочихвол...

Үнэхээр идсэн гэвэл АТГ-ынхан баримт нотолгоогоо үндэслэлтэйгээр олон нийтэд ил болгоод шийдүүлэх эрх нь нээлттэй л байгаа. Мөн Л.Гансүх нарын хувьд идээгүй гэсэн баримтаа ил болгоод гэрчүүдээ бүрэн цуглуулаад нэг хуралдаад хоёр тийшээ болчихож болдоггүй л юм байх даа гэж харууссан, халагласан хүмүүс захаасаа аваад тааралдана. Зарим нэг нь энэ зүгээр л УЛСТӨРИЙН ШОУ гэж харах нэгэн ч байна.

За энэ ч яахав хамгийн гол нь цаг хугацаа алдаж хүлээх, хүлээлгэхийн зовлонг эдэлсээр. Нэг нь буруугүй гэдгээ батлуулах гэж хүлээх, нөгөө нь буруутай гэдэг барит олох гэж хүлээлтийг ашиглан урагшаа хойшоо шогшох. Ёстой л алдсан хүн арван тамтай, авсан хүн нэг тамтай гэгчээр Монголын нийгэм бүхэлдээ донсолгоотой. Өчигдөр болох байсан Л.Гансүх нарын шүүх хурал хэдэн ч удаа хойшилж энэ сарын 15-ны 10:00 цагт болж байгаа юм. Одоо хойшилсоор бүр тоогоо алдаад байх шиг. Ямартаа ч дахин хэдэн өдөр баримтаа бүрдүүлэх цаг хугацааг АТГ-т олгож, баримтаа устгах боломжийг Л.Гансүх нарт олгох шиг боллоо. Цагаа баримтлаад сурчихвал энэ мэт дуншиж олон хүнд дараа болохгүй л баймаар.

Эх сурвалж www.bolod.mn

ЧОЙ