УИХ-ын гишүүн С.Жавхлан өөрийн бүрэн эрхийн хүрээнд анхны бие даасан хоёр хуулиа санаачилжээ. Тэрээр Монгол улсын Сонгуулийн тухай хуульд оффшор бүсэд данстай,ашигт малтмалын тусгай зөвшөөрөлтэй, архи тамхины үйлдвэрлэл худалдаатай, урьд нь хэрэгт холбогдож байсан эсвэл хэрэгт яллагдагчаар татагдсан хүмүүсийг бүх шатны сонгуульд оролцуулахгүй байхаар зохицуулсан хуулийн нэмэлт өргөн бариад байна.
Мөн хэрэгт холбогдсон УИХ-ын гишүүний бүрэн эрхийг нь түдгэлзүүлэхдээ санал хураалтыг нууцаар биш ил явуулах хуулийн нэмэлтийг Улсын Их Хурлын тухай хуульд оруулж өөрчлүүлэх хуулиудын санаачилжээ. Ингэснээр зөв шударга, ямар нэгэн ашиг сонирхолгүй жинхэнэ ард түмний төлөөлөгч нар УИХ-д сонгогдох боломж нээгдэж, хэрэгт холбогдсон гишүүнээ бусад Их хурлын гишүүд хаацайлан авч үлддэг байдал эцэс болох юм байна.
